香港新浪網 MySinaBlog
f. | 24/11/05, 00:46 | ‧ 口 ‧, ‧ 腳 ‧ | (469 Reads)
 Day 9 (Thur)
B某大排檔的魚蛋麵。魚蛋又係好似星期一晚食過果 D, 好大粒、好稔、冇炸過果種, 地膽臨走之前講過, 呢 D 魚蛋響香港食唔到架。D 魚蛋真係幾正, 係個麵普通 D。
L政治飯之五。竟然係同之前一天差不多相同對手, 響同一個 office canteen 食! 今時今日咁既服務態度係唔得架!!
D有同事話, 雞飯食好多, 不過咁耐仲未食過真正的 "海南雞飯"。於是上的士, 按照坡佬大老細響香港的指示, 同司機講 "文東記"。司機一路行一路喃喃自語: "有文東記的地方就有五星...五星追住文東記黎打...", 然後響某個地方放低我地, 前面就有一間文東記。

往前一看, 嘩乜間文東記搞到成間高級餐廳咁款...睇黎應該好貴, 於是調頭走。原來附近就有間叫做 "五星" 的海南雞飯鋪, 裝修平民一點、價錢亦然, 於是走左入去。同事總算試左 (聲稱) 正宗的海南雞飯, 滿足地離去; 而我, 就始終食唔出五星的海南雞飯同之前咁多日食果 D 有乜分別。

有兩件事, 返到香港至知:

  • 文東記有幾間分店, 司機帶左我地去專呃遊客錢果間...
  • 傳說中冇骨的 "正宗" 海南雞飯, 響新加坡咁耐始終食唔到; 反而響香港就搵到喎...
SPicture食完飯, 去左牛車水買肉乾。各大牌子都響晒果度, 所賣的種類亦差不多, 但係 package 有別。美珍香每包座底要買 600g, 磅磅聲咁買, 想每樣試少少都唔得, 於是去左隔離林志源。果度可以買 300g 一包, 有 D 比較貴的貨品 (如蝦肉乾) 仲可以只買 100g, 抵玩過隔離, 就此成交。
 (閱讀全文)